Da ka jingthrang bad jingkhmih lynti ban jop ïa ka khusnam FIFA World Cup mynta ka snem, u Coach Carlo Ancelotti u la pynbna ïa ka kynhun kaba kynthup 26 ngut ki rangïalehkai ba kynsai jong ka ri Brazil. Napdeng kine, 8 ngut ki dei kiba ïalehkai na ka Premier League, katba 7 ngut pat ki wan na ka Campeonato Brasileiro Série A (Brazil Serie A).
 Ka bynta jong ka kynhun (Squad) ka long kumne:

Goalkeepers (Ki Rangap Kol): 3 ngut

Defenders (Ki Neng Ïada): 9 ngut

Midfielders: 7 ngut

Forwards (Ki Nongthep Kol): 7 ngut
 Ki Rangïalehkai ba shah jied na ki League Bapher Bapher

Premier League (8 ngut): Alisson (Liverpool), Gabriel Magalhães bad Gabriel Martinelli (Arsenal), Bruno Guimarães (Newcastle United), Casemiro bad Matheus Cunha (Manchester United), Igor Thiago (Brentford), bad Rayan (AFC Bournemouth).
 Campeonato Brasileiro Série A (7 ngut): Weverton (Grêmio), Alex Sandro, Danilo, Léo Pereira bad Lucas Paquetá (Flamengo), Danilo Santos (Botafogo), bad Neymar (Santos FC).
 Saudi Pro League (2 ngut): Ibañez (Al-Ahli Saudi FC) bad Fabinho (Al-Ittihad Club).

Ligue 1 (2 ngut): Marquinhos (Paris Saint-Germain F.C.) bad Endrick (Olympique Lyonnais).

La Liga (2 ngut): Raphinha (FC Barcelona) bad Vinícius Júnior (Real Madrid).

Russian Premier League (2 ngut): Douglas Santos bad Luiz Henrique (FC Zenit Saint Petersburg).

Serie A (2 ngut): Wesley (AS Roma) bad Bremer (Juventus F.C.).

Süper Lig (1 ngut): Ederson (Fenerbahçe S.K.)

Kynmaw: Ka klob kaba pynmih bun tam ki rangïalehkai ha kane ka kynhun ka dei ka Flamengo, kaba theh da 4 ngut ki player (Alex Sandro, Danilo, Léo Pereira, bad Lucas Paquetá). Katba ka league kaba phriang bun tam ki player sha ka kynhun ka dei ka Premier League, da 8 ngut.

Ki Rangïalehkai ba Pawnam bym shym la shah jied

Ki don katto katne ki rangïalehkai ba pawnam kiba khlem ïoh jaka ha ka kynhun, watla la don ka jingkhmih lynti kaba jur ïa ki:

Antony (26 snem): Watla u la thep 8 kol bad ïoh 9 assists na bynta ka Real Betis ha La Liga, um shym la shah jied.

Richarlison: U khlem ïoh jaka ha ka kynhun watla u la thep 11 kol bad ïoh 5 assists na bynta ka Tottenham Hotspur.

Rodrygo (25 snem): Uwei na ki rangïalehkai ba paw tam jong ka Brazil um shym la shah jied na bynta ka Real Madrid namar ka jingmynsaw ha ka kjat.

Bento: U rangap kol jong ka Al Nassr FC um shym la shah jied namar ba ka Brazil ka la don lypa ki rangap kol kiba tbit bha mynta ka samoi.

João Pedro (24 snem): Watla u thep 15 kol bad ïoh 5 assists na bynta ka Chelsea F.C., um shym la shah jied namar ka jingïakhun kaba jur (competition) hapdeng ki forwards jong ka Brazil mynta ka samoi.