Ka jingia lehkai shibit kan long kaba itynnad bad kaba shong shit bha namar baka Al-Nassr kan ia khun pyrshah ia ka Al-Hilal kaba dei ruh ka klob kaba bat ha kyrdan kaba ar ban ia knieh rah ia ka Saudi Pro League bad ka dei ruh ka lah duh haka samoi jong usnem 2023-2024 bad lada ka Al-Nassr ka lah ban jop ha kane ka jingia khun kan dei kaba kongsan bha namar naduh ba wan pyniasoh u Cristiano Ronaldo kam pat jop ia ka Suadi Proleague .

Naduh ba wan u Cristiano Ronaldo sha kane klob ka dang dep jop tang kawei ka trophy ha u snem 2023 haba ka jop ia ka Arab Club Champion Cup 2023 da kaba pyn-rem ia ka Al-Hilal.

Shibit lah ban sakhi ia ka jingia lehkai ba u Cristiano Ronaldo yn ia khun pyrshah u Karim Benzima kiba dei shi paralok na ka club Real Madrid  ha ki snem ba ladep.
Kat haduh mynta napdeng ki 32 tylli ki jingia lehkai ba ladep ka Al-Nassr ka ioh lupa 82 point bad ka AL-Hilal ka ba bud na dien ka la ioh 77 point na ki 31 tylli ki jingia lehkai bala dep.

Hynrei lada jia ba ka Al-Hilal kan jop ia ka Al-Nassr shibit kamut ka Al-Hilal kan ioh 80 point na ki 32  tylli ki jingia lehkai ba ladep kamut ka dang buh jingma ia ka Al-Nassar shibit ka hap beit ban jop lane ia draw namar ba ka AL-Hilal ka lah ban ioh haduh 86 point na ki 34 tylli ki jingia lehkai namar ynda la kut ka jingia lehkai shibit ka Al-Hilal kan sah artylli ki jing ialehkai katba ka AL-Nassr kan sah satang kawei.

Lada jia ba rem ka AL-Nassr shibit kan long ruh ka jingduh jing kyrmen kaba khraw bha namar kan lah ban ioh tang 85 point na ki 34 tylli ki jingia lehkai baroh lada ka juh pyrshah ia ka Damac ha ka jingia lehkai ba khatduh

Hynrei lada ka lah ban jop  shibit kan sa ioh rah syndon ia ka Saudi Pro League hynrei lada jia ba rem ne draw ka hap ia ka resol ba mih na ki jingia khun ba dang sah jong ka Al-Hilal kaba dang sah sa artylli ki jingia lehkai hadien ba kut kane ka jingia khun.