Watla baroh ar kynhun ki la pynthikna lypa ia ka jaka sha ka Round of 32 ha ka FIFA World Cup 2026, hynrei ka jingïalehkai hapdeng ka Norway bad ka France ka long tang ban tip mano ban pyndep kum ki nongjop bad nongbud ha ka Group I.

 

Ka Norway  Kaba dei ka ri u Erling Haaland kan aireng pyrshah ia ka France Kaba dei ka Ri jong u Kylian Mbappé ha ka jingïalehkai ba khatduh jong ka Group I ha Boston ha ka meit Thoh dieng por 12:30 AM.

Haduh mynta, ka France ka don ha ka kyrdan ba nyngkong da 6 point na 2 tylli ki jingïalehkai, katba ka Norway ruh ka don 6 point hynrei ka dang sah ha ka kyrdan ba ar namar ka jingïapher ha ka goal difference.

U Kylian Mbappé bad u Erling Haaland ki la thep mar 4 kol haduh mynta, bad ki dang sah tang shi kol shadien jong u Lionel Messi uba lamkhmat ha ka jingïakhun Golden Boot da 5 kol.

Head-to-Head: Norway vs France

Ka Norway bad ka France ki la ïakynduh 15 sien ha ki jingïalehkai paidbah. Ka France ka la jop 7 sien, ka Norway ka la jop 4 sien, katba 4 tylli ki jingïalehkai ki la kut noh da ka jingïakhaid.

Khubor na ki kynhun

Norway

U defender ba shadien, u Julian Ryerson, u dei uba pynkhuslai bha ia ka kynhun Norway hadien ba u la mynsaw ha ka bynta jong ka kjat ha ka jingïalehkai pyrshah ia ka Senegal ha ka sngi Nyngkong. Namar kata, la khmih lynti ba u Marcus Pedersen un sdang ha ka jingïalehkai.

La khmih lynti ruh ba u Erling Haaland, u Martin Ødegaard, u Alexander Sørloth bad u Antonio Nusa kin sdang baroh.

France

U William Saliba un ym lah ban ïalehkai namar ka jingmynsaw, katba u Marcus Thuram u dang don ka jingpang ha ka bynta jong ka kjat bad um pat bit pura.

Ki rangbah ba ju sdang kum u Kylian Mbappé bad u Ousmane Dembélé la khmih lynti ba kin sdang.

U coach bah ka France, u Didier Deschamps, un ym don bynta ha kane ka jingïalehkai namar u la leit phai sha iing ban leit on bynta ha ka jingïap ka kmie jong u. U assistant coach, u Guy Stephan, un shimti ia ka kynhun ha kane ka jingïalehkai.

Jingkhmih lynti (Prediction)

Katkum ka Opta Supercomputer kaba la leh 25,000 sien ka simulation shuwa ka jingïalehkai:

  • France: 59.4% ka lad ban jop
  • Norway: 20% ka lad ban jop
  • Draw: 20.6% ka lad ba kan kut da ka jingïakhaid

Kane ka pyni ba ka France ka dang dei ka kynhun kaba kham khlaiñ hynrei ka Norway ka dang don ka lad ban pynkyndit.

Probable Starting Lineups (Ki Player kiba shu mutdur ban mih madan ha kane ka jingia khun)

Norway

Orjan Nyland; Marcus Pedersen, Kristoffer Ajer, Leo Ostigard, David Moller Wolfe; Sander Berge, Patrick Berg, Martin Odegaard (Captain); Antonio Nusa, Erling Haaland, Alexander Sorloth.

France

Mike Maignan; Jules Koundé, Dayot Upamecano, Ibrahima Konaté, Lucas Digne; Manu Koné, Aurélien Tchouaméni; Michael Olise, Bradley Barcola, Ousmane Dembélé; Kylian Mbappé (Captain).

Kaei kaba kyrpang ban peit Ha kane ka jingia lehkai?

Ka jingïakhun hapdeng u Erling Haaland bad u Kylian Mbappé kan long kaba itynnad bha, namar baroh arngut ki la thep mar 4 kol bad ki dang beh ia u Lionel Messi ha ka jingïakhun Golden Boot. Mano na kine ki arngut un lah ban lam ia la ka kynhun sha ka kyrdan ba nyngkong ha ka Group I? Kane ka long ka jingkylli kaba bun ki nongkyrshan kin ap ban tip.