Ha Phi Ki Riew ieid football,long kiba la pynkhreh ïa lade ban
sakhi ia ka kawei na ki jingïalehkai kaba
Kaba itynnad hapdeng ka Portugal pyrshah ia ka Croatia ha ka
step jong ka 3 tarik ha ka por 4:30 mynstep ha ka jingia khun ban
ioh rung sha ka Round 32 lada phi kwah peit shisha kynmaw ban
buh alarm ka phone.
Ka jingïakhun kaba pynsngewtynnad tam ka long ba u Cristiano
Ronaldo ha ka rata kaba la 41 snem bad u Luka Modrić uba la 40
snem kin ïakynduh ha ka World Cup. Kine ki ar ngut ki la ïalehkai
kiba juh ia lehkai lang ha Real Madrid naduh 2012 haduh 2018
bad ki la ïarap ban pynlong ïa ka klob kum kawei na kiba
khlainbor tam ha ka histori jong ka football ha ri Europe bad kane
ka jingia khun kan thaw ia ka History hapdeng kine Arngut lada
dei u Cristiano Ronaldo ne Luka Modrid.
Kane jingïalehkai kane ka lah ban long ka kabu kaba khatduh tam
ïa kine ki ar ngut ki rangia lehkai ba paw ka pyrthei ban rah ïa ka
World Cup trophy kaba ki dang khmih lynti naduh ba ki sdang
ïalehkai football bad baroh 2 ngut kiba la dep jop ia ka balon D Or
na ka club Read Madrid.
Ka Portugal ka la poi sha ka Round of 32 hadien ba ka la wan
ba-ar ha ka Group K da ki 5 point. Ka la sdang da ka jingia khaid
pyrshah ia ka DR Congo da mar 1-1 kol katba jop pat da 5-0 ïa
Uzbekistan, hynrei hadien kata ka la ïakhaid da 0-0 Colombia.

Watla ka Portugal kam shym la jop bun, hynrei ka dang sah kawei
na ki kynhun kiba don shibun ki rangia lehkai kiba tbit.
Ka Croatia pat ka la sdang da ka jingshah rem 4-2 ha England.
Hynrei kumba ju long ha ka histori jong ka, ka Croatia kam ju
pyndem suk. Ka la phai biang da kaba jop ïa Panama 1-0 bad
Ghana 2-1 ban pyndep ha ka kyrdan ba-ar jong ka Group L da ki
6 point.
Mynta, ka jingïakhun kaba khraw ka la ap ia kine ki artylli ki Ri.
Ki la jop lang saw tylli ki UEFA Champions League, hynrei mynta
ki don ha ki liang pyrshah.
Wat lada ki juh dei shi paralok hynrei ha madan khamtam ha ka
World Cup na ka bynta ka Burom ia ka ka Ri jong ki hap ban pyni
bor iwei ia iwei pat.
Ym don jingïarap.
Tang ka jingthrang ban jop.
Na ka bynta u Luka Modrić, kane ka jingïakhun ka pynkynmaw ïa
ka jingpang mynsiem jong u ha ka World Cup 2018. Ha kata ka
World Cup, u la ïalam ïa Croatia sha ka final kaba nyngkong eh
ha ka histori jong ka ri. Hynrei ha ka jingïakhun final, France ka la
jop 4-2. Watla u Modrić u la ïoh ïa ka Golden Ball kum u
nongïalehkai ba bha tam jong kata ka World Cup, hynrei ka
trophy ka la lait na ka kti jong u.
Na ka bynta u Cristiano Ronaldo, ka jingpang mynsiem kaba
khraw tam ka la wan ha ka World Cup 2022. Ka Portugal ka la
shah rem da Morocco 1-0 ha ka quarter-final. Ka dur jong u

Ronaldo uba ïaid na madan da ki ummat ha khmat ka dang sah
ha ka jingkynmaw jong ki paidbah haduh mynta.
Kine ki ar ngut ki khlur ki tip bha ba ka por jong ki ha ka football
kam bun shuh ka la jan poi shah kaba kut ba kin shong thaid noh.
Kumta kane ka World Cup ka lah ban long ka kabu kaba khatduh
ban pynurlong ïa ka jingïaiphohsniew jong ki bad ka jingia khmih
lynti jong ki.
Lada phai sha ka histori, ka Croatia ka long kawei na ki ri kiba la
kyn kynti ïa ka pyrthei. Watla ka don tang kumba 4 million ngut ki
nongshong shnong, hynrei ka la wan ba-lai ha ka World Cup
1998, poi final ha 2018 bad wan ba-lai biang ha 2022 hadien ba
ka la jop ïa Morocco 2-1.
Ka Portugal pat ka la pynmih shibun ki khlur ia lehkai football
hynrei haduh mynta kam pat ju poi sha ka final haka World Cup.
Ka jingïoh jingïaroh kaba khraw tam jong ka ka long ka jingjop ïa
Euro 2016 bad 2 sien ia ka UEFA Nations League.
Ka jingïakhun kaba pawnam tam hapdeng Portugal bad Croatia
ka la jia ha ka Euro 2016 Round of 16. Ha kata ka por, ka Croatia
ka dei ka kynhun kaba bun ki paidbah ki khmih lynti ban jop.
Hynrei hadien 117 minit jong ka jingïakhun kaba eh bha, u
Ricardo Quaresma u la thep ïa ka kol jingïakhlad ban pynjop ïa
Portugal 1-0. Hadien kata, Portugal ka la bteng ïa ka jingïaid lynti
bad rah ïa ka trophy Euro 2016.
Ha ki jingïakynduh kiba la dep, Portugal ka don ka rekod kaba
kham bha. Hynrei bun ki jingïalehkai ki long kiba jan bha bad kiba
eh ban tip mano ban jop.

Te mynta ka jingkylli kaba heh ka long:
Hato u Cristiano Ronaldo un lah ban pynurlong ïa ka
jingangnud kaba khatduh jong u ban rah ïa ka World Cup?
Lane u Luka Modrić un lah ban ïalam biang ïa Croatia sha ka
histori?
Kawei ka kynhun kan jam shaphrang.
Kawei ka kynhun kan leit phai sha ïing.
Kawei ka jingïalehkai.
Ar ngut ki legend.
Ar tylli ki ri kiba dap da ka jingïakhmih lynti.
Portugal pyrshah ïa Croatia. Ronaldo pyrshah ïa Modrić. Ka
jingïakhun kaba ym dei ban duh satia da uno uno ruh u riew
ieid football. ⚽🔥